تنسيقات بنات للجامعه ستايل بسيط ومرتب ✨
هلللوووو بنات💞
الجامعة تحتاج تكونين مرتاحة لكن بعد تبين تطلعين شيك وبسيطة بنفس الوقت، صح ؟
لهذا جمعت لك كم فكرة تنسيقات تجنن وخفيفه تناسب لكل وحده تختار اللي يعجبها ويعبر عنها لتس قوو 💅🏻✨
١-الكاجوال والمريح 😌.
جينز ازرق أو اسود على كيفك.
تيشيرت ابيضّ أو لون هادي مثل البيج أو الزهري الفاتح.
جاكيت دنيم خفيف أو كاردغان خفيف.
شوز ابيض رياضي.
شنطة صغيرة عملية تريحك.
✨ حطي اكسسورات بسيطه زي سوار أو حلق صغير تعطي لمسة انثويه بدون م تعقد الموضوع.
٢- ستايل كلاسيك محتشم💞.
تنورة ميدي واسعة أو بنطلون قماش مريح.
بلوزة بأكمام طويلة أو قميص هادي الألوان.
شوز رياضي انيق أو صندل مريح.
شنطة ظهر صغيرة.
✨ ممكن تلفين وشاح خفيف على الرقبة أو تحطين سلسال كيوت.
٣- ستايل حيوي وملون 🎨.
بنطلون أو تنورة بألوان زاهية ( اصفر، ازرق سماوي )
تيشيرت ابيض او لون محايد.
جاكيت قصير ملون ( كارديغان او بليزر )
شوز رياضي او شي مريح.
✨ لا تنسين توازنين الألوان عشان يطلع ستايلك حلو وحيوي.
٤- لو الجو بارد ❄️.
بنطلون جينز او اسود.
تيشيرت داخلي دافي.
جاكيت صوفي او بليزر ثقيل.
شال او طرحه بلون محايد.
بوت مريح او شوز.
✨ و إذا تحبين حطي مكياج خفيف طبيعي.
🎀 طبعا اختاري لبس يعبر عنك ويخليك واثقه من نفسك.
🎀 شنطتك لازم تكون عملية وتحطي فيها اللي تحتاجينه بالجامعه.
🎀 الراحة اهم شي لان الدراسة تأخذ تركيز وطاقة.
🎀 لا تفكري كثير شويه بساطه وأناقة تكفي.
تعليقات
إرسال تعليق