نصايح لشعر صحي كثيف ✨

كل بنت تحلم بشعر ناعم ولمّاع وكثيف يشد الانتباه، بس كثير يطيحون بمشاكل زي التساقط والتقصف والجفاف، والسبب؟

(روتين غلط أو منتجات ما تناسب شعرهم)

بهلكلام السريع بجمع لك شوية نصايح تساعدك توصلين لهدفك بشعر قوي وكثيف، بطريقة سهلة وبدون وجع راس. 

١- المساج

المساج اليومي ضروري، يحرّك الدورة الدموية ويوصل التغذية لبصيلة الشعر، ويساعده ينمو بشكل أسرع وأقوى.

٢- حمام الزيت

استخدمي ديب أويل أو أي زيت يناسبك، زي سيكا أو بان أويل، وحطيه ساعتين مع كاب بلاستيك، وكرريها مرتين بالأسبوع.

٣- قص الأطراف

قصي أطراف شعرك كل ٣ أسابيع، وانتي مرتاحة نفسياً وطاهرة، وصدقيني بيحس بطاقة حبك له.

٤- الفيتامينات

اختاري فيتامينات مناسبة لك، خصوصاً لو عندك نقص في فيتامين د، فقر دم، أو مشاكل بالغدة.

٥- كفر ستان وقت النوم

لبسي كفر ستان (غطاء شعر حرير) قبل النوم، يخفف التقطيع، وجدّلي شعرك بلطف بدون ما تشدينه.

٦- الحماية من الحرارة

قبل أي استشوار أو مكواة، لازم حماية حرارية وسيروم، عشان شعرك يظل ناعم وما يتقصف.

٧- الشامبو

اختاري شامبو عضوي واغسلي فيه شعرك مرتين عشان تتنظف الفروة صح بدون تجفيف.

٨- شرب المويه

اشربي على الأقل ٢ لتر مويه باليوم، الترطيب الداخلي ينعكس على شعرك وبشرتك.

٩- الأكل الصحي

اكلك يفرق! اهتمي بالبروتين والخضار والفاكهة، لأن الشعر يحتاج تغذية من جوّا عشان يطول ويتقوى.

١٠- النوم والراحة النفسية

نامي كويس واهتمي براحتك النفسية، التوتر يسبب تساقط، والشعر يحب الجسم المرتاح والرايق.